سنة جديدة بدأت ياللا نخليها مثمرة على قد ما نقدرز نصايح بسيطة ممكن تسعدنا
١- اعمل الحاجات اللي قولت هتعملها وما عملتهاش سنة ٢٠٢٣
٢- راجع دائرة معارفك ... لو فيها حد محبط أو كسلان أو بيضيع وقت اقطع معاه
٣- بص على كلامك مع نفسك ... لو سلبي غيره للأفضل علشان هيأثر على مسيرتك في الحياة
٤- التسويف عدوك ... موته .. ابدأ وبعدين ظبط
٥- لو عايز فلوس أكتر لازم تزود قيمة نفسك .. دي اللي ناس هتدفعلك علشانها
٦- ما تبصش لغيرك وركز مع نفسك .. حسابك غير حسابهم
٧- كفاية كسل ... ابعد عنك الملهيات زي التلفزيون والموبايل والبلاي ستيشن وغيره
٨- اتعلم وطبق واغلط .. اتعلم وطبق واغلط .. كرر كدة للنهاية
٩- راجع مصاريفك وشوف ممكن تحسنها ازاي
١٠- اصحى والناس لسه نايمة ونام والناس صاحية
١١- ابني روتين يومي .. غير كدة حياتك هتبقى عشوائية
١٢- انجز حاجات صغيرة كل يوم
١٣- كل أكل صحي .. جسمك هو بيتك الأساسي
١٤- ساعد غيرك .. ابتسم .. بطل كلام عن الناس
١٥- الحياة هتخلص في يوم من الأيام .. هتعمل إيه قبل ما تنتهي
١٦- قلل الاستهلاك في كل شئ .. أكل لبس نوم شغل خروج ... خليك معتدل
١٧- حسن مهاراتك ... في الكلام السمع التفكير التواصل التربية القيادة
١٨- افهم دينك صح علشان ده هو لحمك ودمك
١٩- جرب حاجات جديدة .. ده هيساعدك تخرج من دائرة الأمان
٢٠- اخيراُ، أنت رئيس مجلس إدارة حياتك ... خد القرارات اللي تساعدك في الآخرة لأن هى دي الحياة اللي ربنا -عز وجل- خلقنا علشانها.
ليست هناك تعليقات:
اكتب تعليق