القيادة ... كونك قائد ده معناه أن أنت مراقب من جميع موظفينك حتى وأنت مش موجود في المكان. لأن الموظفين ببساطة بيحسوا بوجودك لو أنت أحدثت تغيير فيهم. وده معنى مهم للقيادة - أنك تبقى فاهم أن كل تصرفاتك وقراراتك بتأثر على الغير حتى في غيابك.
أكبر علامة للقائد العظيم أنهيخضع أجندته الخاصة لمصلحة الشركة مش لمصلحته هو الشخصية أو على حسب هواه.
من النتائج المترتبة على القيادة أنها معدية. بمعنى، لو أنت رفعت الثقة وروح التعاون والمصداقية في التعامل هيظهر ده بشكل واضح في شركتك. ولو أنت ركزت على عدم الثقة والقلق وترهيب الموظفين هيظهر ده في شركتك.
لو أنت قائد في شركتك فكر في النقاط التالية وحاول تتجنبها لو فعلاً عايز موظفينك يشتغلوا في بيئة صحية وينتجوا وشركتك تكبر.
- أخذ موظفيك كأمر مسلم به: افتكر دايما أن الموظفين عندهم إختيارات. افتكر دايما أن رؤية الشركة وأهدافها مش هتتحقق من غير الموظفين المناسبين الشاطرين مش بيك أنت لوحدك. القائد بيشكرك موظفينه من وقت للتاني.
- تجاهل التعليمات اللي فريقك اشتغل وتعب إنه يعملها: القائد لازم يحترم الشركة من خلال اتباع التعليمات اللي عملها الموظفون علشان المؤسسة يبقى فعالة ومنتجة ومربحة وإيجابية قدر الإمكان.
- التفضيل بين الموظفين: كل فرد في المؤسسة ضروري لتحقيق المهمة: الموظفون بيشوفوا أنت بتعامل الناس إزاي. كل تعامل ليك متراقب.
- القيادة بالعاطفة: القرارات المتسرعة اللي ناشئة من موقف أو حدث نادرا ما يحترمها الموظفون أو يقتنعوا بها. حاول تقلل الشكوى و نوبات الغضب في الشغل - خصوصاً لو أنت صاحب المنشأة.
- تملك عملية اتخاذ القرار ورفض اعطاء أي سلطة للموظفين: القائد لازم يثق في موظفينه، من غير ثقة الشغل مش هيمشي بسلاسة. حاول تدي الموظفين مساحة ياخدوا فيها قرارات تخص الشغل علشان يحسنوا من مهاراتهم وإلا الشغل هيقف لو أنت مش موجود.
- اتخاذ قرار قبل الاستماع إلى المدخلات: من الحاجات المحبطة إن محدش ياخد رأيك في الإعتبار. ومن الحاجات المهمة إنك تعين فريق قوي علشان تتعلم منهم. الموظفون بيشوفوا تفاصيل دقيقة في الشغل ممكن أنت تغفل عنها. حاول تستمع لاراء الناس اللي حوليك.
- المقاطعة: زي ما أنت مش بتحب حد يقاطعك في شغلك، الموظفين بردو مش بيحبوا كدة لأنهم مشغولين وعندهم أولويات في شغلهم، علشان كدة احترم وقتهم. لو محتاخ منهم حاجة، حدد وقت فاضي معاهم. بلاش تفتكر دايما أن أنت وطلباتك أهم من شغلهم.
- افتراض إن الموظفين عارفين كل الأخبار: فقط بحكم مركزك أكيد أنت عارف حاجات كتير في الشركة. مش معنى كدة إن الموظفين عارفين كمان. دخلهم في الأحداث وعرفهم الأخبار علشان يحسوا إنهم مهمين.
- خلي بالك من النفاق: اللي ينطبق عليك ينطبق على موظفيك. على سبيل المثال، أي سياسة فيها مرونة، طبقها على الموظفين قبل ما تستفيد بيها أنت بس.
- فرض قرارات توظيف جديدة دون تدخل الموظف وتوقع من الموظفين قبولها بشكل أعمى: عايز الناس تشتغل مع بعض كويس؟ امنحهم مدخلات في التعيينات الجديدة. خصوصا لو فيه تعيين واسطة.
- أخبرهم أنك تدعم الابتكار ثم تعاقبهم على التجربة والخطأ: الابتكار هو كلمة رنانة لطيفة. تقول العديد من الشركات إنها تدعمها ، لكن هل تسمح ثقافاتهم بالفشل؟ الفشل هو الوجه الآخر للابتكار. التقدم لا يحدث بدون مخاطر. الابتكار لا يحدث بدون أخطاء. ما مدى فهم ثقافتك للتجربة والخطأ؟
- "تمكينهم" دون اتباع تعليمات محددة وواضوحة: لا يعني التمكين السماح للموظفين بفعل ما يريدون القيام به، ثم معاقبتهم لارتكابهم أخطاء. ولكن منحهم الحرية في اتخاذ القرارات واتخاذ الإجراءات بعد أن يتلقوا توجيهًا واضحًا.
في النهاية .. كلما زاد وعيك الذاتي بقوة تأثير أفعالك وكلما تحملت مسؤلية سلوكياتك كلما كانت شركتك أقوى وأنجح.
هذا المقال مأخوذ من: inc.com
الصورة من: freepik
ليست هناك تعليقات:
اكتب تعليق